我們一訓就九點多，小花先起床梳洗化妝，見他昨晚訓得不好，就讓他多睡一陣吧！小花弄好才叫他起身，十點九左右我們才落去食自助早餐，因為人家十一點就會停止供應早餐，小花呯呯聲衝出去攞野食，攞到成枱都是，話時話，個早餐是幾好味ga bor，又有好多款野揀．食飽飽後開始向迪士尼出發，因為昨天都已經玩了幾樣遊戲，今日可以hea住咁去．

我們昨天都問過他們有寄存行李服務，所以我們一早拎埋行李走，在入場前我們要俾security check袋，誰知他話我們有支汽酒唔俾入，咁我們唯有把行李寄在出面入口處，原本我們想把行李寄在大街餐廳旁，但是現在無辦法啦！其實我覺得都幾方便，寄存服務一般size，即是手袋、背囊，都只需HKD40，起碼唔洗咁辛苦先啦，小花只是拿著一個小手袋就周圍走了，幾輕便呀！

我們先去了看米奇金像音樂劇，因為輪候時間都只是十五分鐘，時間剛剛好，這個小花都未睇過，不過小花覺得一般，還是覺得Lion King好睇d，感覺激昂一點嘛！接著我們去了幻想世界的小小世界，這個真的好無聊，坐在一條小船上，下面是有水嘅，沿途每個area有唔同民族的木偶，可能年紀好少的小朋友會覺得好新奇吧，不過無可否認坐在隻小船的感覺唔錯，可能它不停播著耳熟能詳的世界真細小吧（重點：它會因為踏進不同的area會播出不同語言的世界真細小）！這個遊戲的好處是冷氣好勁，即刻爽晒，立刻降溫不少！見到小小世界外的小食店有思樂冰買，最喜歡飲思樂冰的他買了一杯，因為小花不適宜飲咁多凍野，只是飲左兩啖就算了！之後我們去左玩瘋帽子旋轉杯，他個衰人是咁轉隻杯，轉到小花頭頂d星星是咁轉，那個時候小花只懂傻笑，唔好講笑一落地有頭暈的感覺，他還要笑小花呢，那個時候真的想咬死他！接著去玩小花都蠻愛玩的米奇幻想曲，因為這個是3D的緣故，戴上立體眼鏡後去看電影，所有的東西都好像可以伸手觸到跟會飛嚟飛去的模樣，小花咁白痴當然會是咁伸手亂抓，有時都真是唔是好明其實已經玩第四次，但是點解仲是玩得咁開心！

我們往探險世界出發，見到有汁燒魷魚，小花都忍不住買了一碟嚟食，其實呢d小食小花真是一舊起就兩舊止，不過知道他喜歡食魷魚才會買嘅！接著在歷奇噴水池旁有史迪仔的擺設讓人影相，小花又發揮爆花精神，企上那個滑板扮跟史迪仔滑浪，真是好鬼死低能．之後我們去了森林河流之旅，個男仔導遊一路駕駛隻船，一邊講解會見到d咩，他是咁不停講爛gap囉，真是笑死！接著開始feel到唔舒服的感覺，點解要auntie visit呀，痛到小花即刻無晒心情．男友見狀說，你咁辛苦就唔好再去玩啦，揾個地方食下野，休息下先，因為我們買package送了兩張餐飲劵，我們就用餐飲劵去左碧林餐廳食了兩樣野，小花點了青咖哩雞飯，男友就點了牛肉麵，見到有椰王買，又買了兩個飲，一人一個，飲完之後，勁解渴、消暑呀！坐了一陣，好左小小，我們繼續起行，因為大家都好累，所以我們就去了坐火車，坐著休息一下．

時間差不多，我們才在美國小鎮大街下車，剛巧又是史迪仔玩轉夏日巡遊，不過嘛太不舒服，所以完全無興緻走出去玩．我們一齊在美國小鎮大街的souvenir shop買精品，男友買了隻毛巾質地的中型史迪仔公仔俾小花，而小花就買了隻毛巾質地的中型Eeyore公仔俾男友．男友可能見到小花太辛苦了，目無表情，勁細心話：你在souvenir shop等我，我出去攞panadol俾你，順便拎d公仔出去寄存．小花當然會聽他的說話啦，小花一路行一路等，小花開始嚟料啦，那些心血來潮又嚟啦，懶surprise買了一個銀製的米奇頭的相架給他（即是三個圓圈的米奇頭），在俾錢的時間，見到收銀處display左兩個米奇的限量鎖匙扣，拎上手看，原來幾靚，個店員說這個之前在東京迪士尼做緊限量版，那好吧，之前他講過話想買一個鎖匙扣，那這個看起來都不錯，就選這個藍色給他，上面可以揀8個字母或符號，當然串了小花個英文名上去啦，睇他仲點走（呵呵呵）！此時男友就過來，讓他看到那個鎖匙扣tim，no surprise啦！最後我們一人一個，小花那一個是粉紅色的，不用說鎖匙扣一定是串上他的英文名啦！唔記得買過了幾多錢就可以商品寄存，因為我們懶的緣故，又把東西寄存，一次過在售票處附近取回東西．

食左兩粒panadol，即刻好左好多，我們去了米奇大屋走走，屋裡的東西全都是卡通版的傢俬，小花打側躺在超大的卡通床上拍個照先．又大無斯樣咁坐在sofa上．我們之後去了排隊跟米奇米妮影相，排了起碼30分鐘以上，才輪到我們，小花一手就挽著米奇隻手，而男友就企在米妮身旁．我們拍完照出去，有得睇返攝影師影的相，咦，我們呢張合照影得幾好，我們就買一張啦，一張盛惠100蚊．雖然好貴，但是自己或揾陌生人好難影得好，難得一次去旅行，幾多錢都要買ga la！

見還有時間，就慢慢咁周圍行，竟然在迪士尼都可以撞到朋友Carman，我們影了張合照就分道揚鑣了．到差不多六點半，小花先去買條粟米食下先，最後我們一人一條粟米兼買了支可樂，其實小花並不是肚子餓，你們睇多陣就知點解啦！我們在睡公主城堡前選了個有利位置，小花開始擺陣，把樂園指南放在地下，然後就可以坐在地下，慢慢好嘆咁享受條粟米，條粟米其實是用來打發時間，因為還要等成個鐘才開始「星夢奇緣」煙花表演，我們食完條粟米都不過是七點二十分左右．實在是太無聊，睇返今日影的相，看來小花真的肥了好多，上年生日在迪士尼d相是slim好多ga，激死人啦，要努力d減肥．終於等到開始「星夢奇緣」煙花表演，我們坐正中間第一排，嘩，第四次睇依然令小花覺得好震撼，感覺太romantic啦，每一次睇煙花都覺得好romantic！（不論是迪士尼的煙花還是國慶煙花或是煙花比賽，如果有個男友在身旁，一路睇煙花一路親吻，嘩，簡直是一件超浪漫的事！以前曾經想過如果他日小花的男友在煙花下向小花求婚的話，小花很可能會答應ga，不過地點當然最好是去旅行的時候啦，攻其不備嘛，首選澳洲、次選日本、其實在迪士尼求婚都唔錯，小花知道香港迪士尼可以為人安排求婚，如果客人需要的話！）正當小花沉醉於浪漫中，他竟然錫向小花呢，真是呢．．．真是好鐘意好鐘意睇「星夢奇緣」煙花表演，尤其一開始嗰幕、阿拉丁跟Beauty and the Beast那幕，小花覺得應該是歸功於那個background music．看完煙花，我們就慢慢的行出去出口，每一次睇完煙花離開都要經過美國小鎮大街，因為天都黑了，兩旁的商舖都亮著燈，金碧輝煌真是好靚．我們回到售票處那裡取回行李跟精品，之後就搭迪士尼線去青衣城食飯，可能太累的關係，我們隨便的去了池記食麵，之後他就送小花回家了．

回到家，第一件事先去洗去一身塵垢，之後才把戰利品拿出來欣賞吓先，抱抱小花的新歡毛巾史迪仔，歡迎他來到小花的史迪仔大家庭，呵呵，你可是有好多兄弟呢，你要好好同他們相處呀！還有戴上第一天我們臨走在水晶店買的黃色手晶戒指，這是他第一隻買給小花的戒指，雖然唔是什麼貴重的戒指，有時是千金難買心頭好，還有把限量鎖匙扣放在手上研究研究一番．玩完戰利品後，小花跟他通個電話後就睡了，都沒有認真的去睡過，要快快補眠呀！（其實那個時候已經是凌晨一點多，小花每天都要六點多就起床了！）